इंडिगो पुन्हा सुरू करणार चीनला विमानसेवा; कोलकाता-ग्वांगझोउ दरम्यान थेट उड्डाणे २६ ऑक्टोबरपासून

 

इंटरग्लोब एव्हिएशन (इंडिगो) २६ ऑक्टोबर २०२५ पासून मुख्य भूमी चीनकडे जाणाऱ्या आपल्या सेवांचा पुन्हा शुभारंभ करीत आहे. या अंतर्गत कोलकाता ते ग्वांगझोउ (CAN) दरम्यान दररोज नॉन-स्टॉप फ्लाइट सुरू होणार आहे. नियामक मंजुरी लागल्यानंतर कंपनी दिल्ली-ग्वांगझोउ या मार्गावरही थेट उड्डाणे सुरू करण्याची योजना आखत आहे.ही उड्डाणे इंडिगोच्या एअरबस A320neo विमानांद्वारे सुरू केली जाणार असून यामुळे भारत-चीन दरम्यान व्यापार, धोरणात्मक व्यावसायिक भागीदारी आणि पर्यटन क्षेत्राला चालना मिळण्याची अपेक्षा आहे.कोविडपूर्व काळात इंडिगोने भारत-चीन दरम्यान उड्डाणे सुरू केली होती आणि त्यासाठी आवश्यक अनेक व्यवस्था तसेच स्थानिक भागीदारांशी संबंध आधीपासूनच असल्यामुळे कंपनीला या सेवा पुन्हा जलद सुरू करण्यास मदत मिळणार आहे.जागतिक विस्तार मोहिमेचा एक भाग म्हणून, ग्वांगझोउला उड्डाणांची पुनर्प्रतिष्ठापना ही भारताची आंतरराष्ट्रीय कनेक्टिव्हिटी मजबूत करण्यासाठी आणि इंडिगोच्या जागतिक उपस्थितीला गती देण्यासाठी एक महत्त्वाचे पाऊल मानले जात आहे.इंटरग्लोब एव्हिएशन देशांतर्गत तसेच आंतरराष्ट्रीय स्तरावर हवाई प्रवासी सेवा पुरवते आणि इंडिगो प्रवासी विमानसेवा हीच तिची प्रमुख ओळख आहे.