सप्टेंबरमध्ये भारताची इंधन मागणी एक वर्षातील नीचांकी पातळीवर

 

सप्टेंबर महिन्यात भारतातील इंधन वापर एक वर्षातील सर्वात कमी पातळीवर पोहोचला असून, तेल मंत्रालयाच्या मंगळवारी प्रसिद्ध झालेल्या आकडेवारीनुसार मागील महिन्याच्या तुलनेत अर्धा टक्का घसरून तो 18.63 दशलक्ष मेट्रिक टनांवर आला आहे.

भारत हा जगातील तिसरा सर्वात मोठा तेल ग्राहक आणि आयातदार असून, रशियन तेलाचा सर्वात मोठा खरेदीदार आहे. युरोप आणि अमेरिकेने रशियाच्या युक्रेनवरील आक्रमणानंतर रशियन तेलावर निर्बंध लादल्यानंतर भारताने गेल्या काही महिन्यात सवलतीच्या किमतींचा लाभ घेत मोठ्या प्रमाणावर खरेदी केली आहे.

मागील महिन्याच्या तुलनेत मागणी किंचित घटली असली तरी, सप्टेंबरमधील इंधनवापर वार्षिक तुलनेत 7% वाढलेला आहे.पेट्रोल  विक्री ऑगस्टच्या तुलनेत सुमारे 4% कमी होऊन सप्टेंबरमध्ये 3.4 दशलक्ष टनांवर आली, मात्र ती मागील वर्षाच्या तुलनेत यामध्ये 7.9% वाढ दिसून येते.

डिझेलचा वापर मासिक तुलनेत 3.2% वाढून सप्टेंबरमध्ये 6.79 दशलक्ष टनांवर पोहोचला, जो वार्षिक तुलनेत 6.6% अधिक आहे.

द्रवरूप पेट्रोलियम वायूच्या (LPG) विक्रीत वार्षिक तुलनेत 6.9% वाढ होऊन ती 2.79 दशलक्ष टनांपर्यंत पोहोचली आणि ऑगस्टच्या तुलनेत 0.7% वाढ दिसून येते.