वेदांता कंपनीन अॅल्युमिनियम उत्पादन क्षमता वाढवण्यासाठी १३,२६६ कोटी रुपयांची गुंतवणूक करणार.

 

वेदांता कंपनीने आपली अॅल्युमिनियम उत्पादन क्षमता वाढवण्यासाठी १३,२६६ कोटी रुपयांची गुंतवणूक करण्याचे नियोजन केले आहे. कंपनीची सध्याची उत्पादन क्षमता २.४ दशलक्ष टन प्रति वर्ष (MTPA) असून, ती FY२८ पर्यंत ३.१ MTPA पर्यंत नेली जाणार आहे. FY२६ पर्यंत वेदांताची क्षमता २.७५ MTPA होईल.

 कंपनीचे अॅल्युमिनियम उत्पादन सॅंपूर्णपणे कॅप्टिव्ह ऑपरेशन्सवर आधारित आहे, जे जागतिक पातळीवर आढळून येत नाही. त्यामुळे वेदांता कंपनीला अस्थिर भू-राजकीय स्थितीत टिकाव धरून राहणे सहज शक्य होते, तसेच कमी खर्चात उत्पादन करता येते.

या विस्तारामुळे भारतातील अॅल्युमिनियम क्षेत्रात वेदांता कंपनीची बाजारातील भागीदारी वाढेल.

कॅप्टिव्ह ऑपरेशन्स आणि त्याचे फायदे: 

वेदांताच्या अॅल्युमिनियम व्यवसायामध्ये संपूर्णपणे कॅप्टिव्ह ऑपरेशन्सचा वापर केला जातो.कॅप्टिव्ह म्हणजे उत्पादनासाठी आवश्यक असलेल्या कच्च्या मालाचे नियंत्रण पूर्णपणे कंपनीकडे असणे.जागतिक स्तरावर अशी पद्धती सामान्य नसते, मात्र वेदांतासाठी ही बाब फायदेशीर ठरते.यामुळे उत्पादन खर्च कमी होतो आणि जागतिक अस्थिर परिस्थितीत कंपनीला टिकाव आणि लवचिकता मिळते.

वेदांताचे विविध व्यवसाय: 

वेदांता ही एक बहुविध निसर्गसंपत्ती उत्पादन करणारी कंपनी आहे.कंपनीचे मुख्य व्यवसाय: तेल आणि वायू उत्पादन, झिंक-लेड-सिल्वर, तांबे, लोखंडाचा धातू, अॅल्युमिनियम आणि व्यापारी विद्युत निर्मिती हे आहेत.

गुंतवणुकीचा औद्योगिक परिणाम: 

वेदांताची मोठी गुंतवणूक भारतीय अॅल्युमिनियम उद्योगाची ताकद वाढवेल.देशातील उत्पादन क्षमता वाढल्याने निर्यात व स्वदेशी वापरातील संख्या वाढेल.रोजगार निर्माण, तांत्रिक सुधारणा आणि जागतिक स्पर्धेत भारतीय कंपन्यांना फायदा मिळेल.जागतिक असंतुलन, टॅरिफ्स व भू-राजकीय निर्णयांचे दबाव कमी करणे शक्य होईल.