रायझिंग वेज ( Rising Wedge )

 रायझिंग वेज ( Rising Wedge ) 

रायझिंग वेज हा एक मंदी चे संकेत देणारा ( bearish pattern ) पॅटर्न आहे.

         अपट्रेंड मध्ये जेव्हा रायझिंग वेज पॅटर्न तयार होतो तेव्हा तो खालच्या बाजूला रुंद असतो आणि जसजशा किमती वाढतात तसतशी ट्रेडिंग रेंज कमी-कमी होत असताना दिसून येते त्यामुळे पॅटर्न अरुंद होत जातो. अपट्रेंड मध्ये रायझिंग वेज पॅटर्न हा ट्रेंड रिव्हर्सल ( Trend Reversal ) पॅटर्न म्हणून दिसून येतो. म्हणजेच पुढील काळात शेअरच्या किमतींमध्ये घसरण दिसून येते. 

डाउनट्रेंड मध्ये जेव्हा रायझिंग वेज पॅटर्न तयार होतो तेव्हा तो खालच्या बाजूला रुंद असतो आणि जसजशा किमती वाढतात तसतशी ट्रेडिंग रेंज कमी-कमी होत असताना दिसून येते त्यामुळे पॅटर्न अरुंद होत जातो.  डाउनट्रेंड मध्ये रायझिंग वेज पॅटर्न हा ट्रेंड कंटिनूएशन ( Trend Continuation ) पॅटर्न म्हणून दिसून येतो. म्हणजेच पुढील काळात शेअरच्या किमतींमध्ये घसरण दिसून येते. 

यावरून असे दिसून येते कि रायझिंग वेज हा बेरिश ( शेअरच्या किमतींना खाली घेऊन जाणारा ) चार्ट पॅटर्न आहे. 

रायझिंग वेज पॅटर्न मध्ये अप्पर रझिस्टन्स लाइन ( upper resistance line )  आणि  लोअर सपोर्ट लाईन ( lower support line ) दिसून येतात. 

            अप्पर रझिस्टन्स लाइन ( upper resistance line ) आणि लोअर सपोर्ट लाईन ( lower support line ) तयार होण्यासाठी किमान तीन हायर हाय ( higher high ) आणि लोअर हाय ( lower high ) किंमत बिंदू ( price point ) असावेत. पॅटर्न जसजसा पूर्णत्वाकडे जातो तसतशी रझिस्टन्स लाइन चा स्लोप कमी होताना दिसतो ( कारण खरेदीदारांचा कमी होणारा उत्साह ) म्हणजेच शेअरची किंमत वाढण्याची गती कमी ( loss of upside momentum ) होते. आणि त्यामुळे रझिस्टन्स लाइन आणि सपोर्ट लाईन एकमेकांजवळ येताना दिसून येतात.परिणामी आपल्याला त्या अपट्रेन्ड मध्ये कमजोरीचे ( signs of weakness ) संकेत मिळतात.

      रायझिंग वेज पॅटर्न मध्ये व्हॉल्यूम खूप महत्वाची भूमिका पार पडते. रायझिंग वेज पॅटर्न जसजसा पूर्णत्वाकडे जातो तसतसे व्हॉल्यूम कमी-कमी होत असताना दिसून येते. जेव्हा पॅटर्न खालच्या बाजूला ब्रेक होतो तेव्हा व्हॉल्यूम मध्ये अचानक वाढ होते.

रायझिंग वेज पॅटर्न चा वापर करताना RSI इंडिकेटर चा वापर करणे अतिशय फायद्याचे ठरते. रायझिंग वेज पॅटर्न आणि RSI  वर तयार होणार डायव्हर्जन्स यांचा वापर करून योग्य प्रकारे चार्ट चे अनालिसिस करता येते.

म्हणजेच खालील चार्ट मध्ये पहिले असता असे दिसून येते कि रायझिंग वेज पॅटर्न मध्ये तीन हायर हाय पॉईंट  ( A - B -C ) तयार होताना दिसतात तर RSI वर तयार होणार तिसरा पॉईंट ( C ) हा  पहिला हाय पॉईंट (A ) च्या खाली तयार होत असतो. यालाच RSI Hidden Divergence असे म्हणतात. जेव्हा चार्ट वर अशा प्रकारची रचना तयार होते तेव्हा शेअरच्या किमतींमध्ये पुढील काळात मोठ्या प्रमाणात घट होताना दिसून येते.