इन्व्हर्टेड हॅमर ( Inverted Hammer )

 इन्व्हर्टेड हॅमर ( Inverted Hammer ) :

      इन्व्हर्टेड हॅमर हा सिंगल कॅण्डलिस्टिक पॅटर्न आहे. यामध्ये बॉडीची साईज अतिशय लहान असते आणि  इन्व्हर्टेड हॅमर मध्ये कॅण्डलच्या वरच्या बाजूला बॉडीच्या तुलनेत दोन पट किंवा त्यापेक्षा जास्त आकाराची विक दिसून येते.

    कॅन्डल मध्ये बॉडीचा कलर हा महत्त्वाचा नसतो . म्हणजेच बॉडी चा कलर लाल किंवा हिरवा असू शकतो. 

       इन्व्हर्टेड हॅमर पॅटर्न  हा डाउनट्रेंडच्या सपोर्ट झोन मध्ये दिसून येतो. हा बुलिश ट्रेड रिव्हर्सल ( Bullish Trend Reversal ) पॅटर्न  म्हणून ओळखला जातो. म्हणजेच जेव्हा सपोर्ट झोनमध्ये  इन्व्हर्टेड हॅमर पॅटर्न तयार होतो तेव्हा, डाऊनट्रेंड संपुष्टात आला आहे असे संकेत मिळतात. आणि पुढील काळात शेअरच्या किमतींमध्ये वाढ होत असताना दिसून येते.

         म्हणजे शेअरच्या किमती पुढील काळात वाढण्याचे संकेत मिळतात. याचाच अर्थ हा डाऊनट्रेंडला अपट्रेंडमध्ये घेऊन जाणारा कॅण्डलिस्टिक पॅटर्न आहे.

  इन्व्हर्टेड हॅमर पॅटर्न मध्ये कॅन्डलच्या खालच्या बाजूला वीक नसते किंवा असल्यास अतिशय कमी आकाराची विक दिसून येते.

महत्वाचे : १) सपोर्ट झोनमध्ये कॅण्डलच्या वरच्या बाजूला तयार होणारी वीक खरेदीदारांचे अस्तित्व ( Buyers Activation ) दाखवते.

 २) सर्वच इन्व्हर्टेड हॅमर पॅटर्न ट्रेंड रिव्हर्सल पॅटर्न नसतात ,सपोर्ट झोनमध्ये तयार होणारे इन्व्हर्टेड हॅमर पॅटर्न हे ट्रेंड रिवर्सल पॅटर्न असतात.

३) अपट्रेन्डच्या पार्टिसिपेशन फेजमध्ये तयार होणारे इन्व्हर्टेड हॅमर पॅटर्न हे शक्यतो केवळ पुलबॅक ( Short Term Pullback ) चे संकेत असतात.

४) डाऊन ट्रेंडच्या पार्टिसिपेशन फेजमध्ये तयार होणारे इन्व्हर्टेड हॅमर पॅटर्न हे ट्रेंड कन्टीनुएशन ( Trend Continuation ) चे संकेत असतात.