Mark-Up / Participation / Traders Zone ( पार्टिसिपेशन फेज )

 

Mark-Up / Participation Phase ( पार्टिसिपेशन फेज ) : 

जेव्हा शेअरच्या किमती ॲक्युम्युलेशन फेज मधून बाहेर पडतात आणि नवीन ट्रेंड सुरू होताना दिसून येतो त्यावेळी किरकोळ गुंतवणूकदार ( तेजीवाले ) आणि ट्रेडर अशा लोकांचा शेअर खरेदी करण्यामध्ये सहभाग वाढत जातो यालाच किरकोळ ( रिटेल ) गुंतवणूकदारांची फेज किंवा ट्रेडरची फेज असे म्हणतात. किरकोळ गुंतवणूकदारांचा सहभाग आणि ट्रेडर लोकांचा सहभाग यामुळे शेअरच्या किमती हळूहळू वाढू लागतात अशावेळी इतर छोटे छोटे गुंतवणूकदार व ट्रेडर सहभाग घेण्यास सुरुवात करतात परिणामी शेअरच्या किमती सतत वाढत जाताना पाहायला मिळतात. मार्कअप फेज किंवा पार्टीसिपेशन फेज ही अशी अवस्था आहे ज्यामध्ये तथाकथित ट्रेंड फॉलोइंग ट्रेडर किंवा मोमेंटम ट्रेडर सहभाग घेत असतात. अशा प्रकारचे ट्रेडर किंवा मोमेंटम ट्रेडर हे अल्प कालावधीसाठी शेअर मध्ये गुंतवणूक करत असतात. अल्पकालावधी मधून मिळणाऱ्या नफ्यानंतर नंतर अशा ट्रेडरकडून शेअरची विक्री केली जाते. त्यामुळे काही काळासाठी शेअरच्या किमतीमध्ये घट होताना दिसून येते यालाच टेक्निकल अनालिसिस मध्ये पुलबॅक ( Pullback ) असे म्हणतात अशा प्रकारचे पुलबॅक मार्कअप फेज किंवा पार्टीसिपेशन फेज मधे दिसून येतात. 

            पार्टिसिपेशन फेजमध्ये खरेदीदारांचा उत्साह हा विक्रेत्यांपेक्षा अधिक असतो. म्हणजेच पुरवठ्याच्या दबावापेक्षा मागणीचा दबाव अधिक असल्याचे दिसून येते परिणामी शेअरच्या किमती सतत वाढत जातात आणि या वाढत्या किमती पाहून नवीन छोटे छोटे गुंतवणूकदार व ट्रेडर सहभाग घेतात.  पार्टीसिपेशन फेज किंवा लोकसहभागाचा टप्पा हा इतर टप्प्यांपेक्षा सर्वात मोठा टप्पा समजला जातो. या टप्प्यामध्ये ट्रेडर लोकांचा उत्साह अधिक असतो. यालाच अपट्रेन्ड ( Uptrend ) असे म्हटले जाते . पार्टिसिपेशन फेज ला खरेदीदारांचा ( Buyers phase ) टप्पा असेही म्हटले जाते.

               पार्टिसिपेशन फेज ला खरेदीदारांचा टप्पा ( Buyers Zone ) असेही म्हटले जाते या टप्प्यामध्ये तयार होणाऱ्या कॅण्डल पैकी बहुतेक कॅण्डल या ग्रीन कलरच्या असल्याचे पाहायला मिळते तसेच या ग्रीन कॅण्डलची साईज मोठी असल्याचे दिसून येते यावरून असे दिसून येते की खरेदीदारांचा उत्साह ( Buyers aggressiveness )  खूप अधिक आहे.